Vijojnë shkeljet e sinjalistikave rrugore nga ana e drejtuesve të mjetit. Për këtë arsye policia ka zbarkuar në disa autostrada.
Gjatë kontrolleve në 48 orët e fundit, të kryera nga makina inteligjente, 1456 shoferëve do t’i shkojë masa administrative në banesë.
Gjithashtu, në të gjithë vendin, gjatë kontrolleve permanente janë evidentuar dhe ndëshkuar 2340 drejtues mjetesh, për shkelje të ndryshme që janë rrezik potencial për përfshirje në ngjarje rrugore.
Policia Rrugore , njofton se janë pezulluar 77 leje drejtimi, nga të cilat 41 për shpejtësi mbi normat e lejuara, 32 për drejtim mjeti nën efektin e alkoolit dhe 4 për qarkullim në sens të kundërt.
