Koleksionisti Gjergji Thimo ka qenë pjesë e foltores së sotme në Korçë, nga ku ka risjellë dhe një herë ngjarjen e vjedhjes së ikonave, për të cilën shpeshherë ka akuzuar kryeministrin Edi Rama.
Thimo ka pohuar se në lidhje me këtë ngjarje vijon betejën ligjore në Strasburg.
Përgjatë fjalës së tij, ai sërish ka shpërthyer në akuza ndaj Ramës dhe ish ministrit Saimir Tahiri. Thimo ka treguar dhe një herë ngjarjen, ku bën me dije se ajo ka ndodhur në 8 tetor të 2013-ës, i janë vjedhur 1600 vepra arti të kulturës shqiptare. Ai e ka quajtur aksion banditesk e fashist aksionin , ku sipas tij është ndërmarrë nga ish-ministri i Brendshëm Saimir Tahiri, me urdhër të Ramës. NË lidhje me këtë “vjedhje”, Thimo pohon se me këtë ngjarje po merret gjykata e Strasburgut, SPAK dhe BKH. “Nuk është puna se kushtonin 63 milionë euro, por ishte shpirti i një korçari për të mbrojtur artin dhe kulturën”, është shprehur koleksionisti.
Më tej, në deklaratën e tij, koleksionisti Gjergj Thimo vijoj dhe me sulme të tjera në drejtim të kryeministrit të vendit.
