Një nga banoret e pallatit ku ra zjarri ditën e sotme në Astir tha se, zjarrin mund ta ketë vënë Klodjan Osmënaj, pasi vuante nga depresioni. Ndër të tjera ajo u shpreh se kishin denoncuar disa herë në polici Klodianin, pasi ishte kthyer në rrezik për ta, duke qenë se herë pas herë pas here hidhte sende të forta nga dritarja.
Ajo tregoi ndër të tjera se, i gjithë pallati u terrorizua dhe pjesa më e madhe ishin akoma në gjumë, kur dëgjuan të bërtiturat se ka rënë zjarr. Sipas qytetares , në atë momente të gjithë u bllokuan brenda dhe e kishin të pamundur të dilni pasi shkallët ishin të mbuluara krejtësisht nga tymi.
Gjithashtu ajo fajësoi policinë se nuk iu hapte telefonin, kur ajo i merrte në momentin që pa tymin në korridoret e pallatit. Sipas saj, nga zjarri janë djegur edhe një djalë dhe një grua që ndodheshin një kat më lartë banesës ku ra zjarri dhe ndodhen në spital..
“Në orë 6 e 45 po shikoja nga po vinte tymi, por kur hapen derën erdhi tymi. Në katin e tretë ishte një person me depresion dhe shpesh qëllonte, hidhte sende nga lartë, e kemi denoncuar por asnjë nuk reagonte. më fal që po e them po u desh që të dridhje gjak që të vinin. Kur pashë tymin kam rënë policisë nuk na hapnin telefoni dhe lajmërova banorët se janë me fëmijë të vegjël mos asfiksohen, unë jam kati i fundit dhe tymi doli me shtëllunga.
. Po digjeshim se nuk dilnim dot , zjarrfikësja ka ardhur shumë vonë. Ndërkohë në katin e katër disa janë plagosur një grua dhe një djalë janë në spital. Nuk dilnim dot, pasi tymi kishte pushtuar shkallën”, tha banorja.
Nga kjo tragjedi mbeti e vdekur mamaja e Klodianit, e cila humbi jetën pasi u hodh nga dritarja për t’u shpëtuar flakëve.
