Muaji tetor është muaji i ndërgjegjësimit për kancerin e gjirit për të rritur ndërgjegjësimin dhe kontrollet e grave në mënyrë që kjo sëmundje të mund të parandalohet pa shkuar në gradën e fundit ku është e pakurueshme.
Ditën e sotme në kuadër të sensibilizimit u organizua edhe një lloj konference nga gratë, ku morën pjesë edhe deputete. Gjithashtu në këtë konferencë është bashkuar edhe ambasadorja Yuri Kim dhe deputetet e Partisë Demokratike, Jorida Tabaku e Grida Duma, të cilat mbarnin edhe fjongon karakteristike rozë.
Me broshura nëpër duar dhe tullumbace, vajza dhe gra kanë “pushtuar” pasditen e djeshme rrugët e kryeqytetit për të shpërndarë informacion dhe për të ndërgjegjësuar qytetarët për rëndësinë e shëndetit të gjirit.
pranishëm gjatë marshimit ishin edhe ministrja e Shëndetësisë, Ogerta Manstirliu, ministrja e Arsimit Evis Kushi, ministrja e Bujqësisë Milva Ekonomi, deputetja e Partisë Socialiste Ermonela Felaj dhe kryetarja e Kuvendit, edhe Lindita Nikolla, të gjitha në mbështetje të sensibilizimit të vajzave dhe grave për të “luftuar” në kohë kancerin e gjirit.
