Ish-presidenti, Bujar Nishani, ka akuzuar sot kryedemokratin Lulzim Basha, se nuk po bën si duhet rolin e opozitës, por bëhet njësh me të korruptuarit në qeveri. Përmes një postimi në Facebook ai shkruan se shumë organizata botërore e rendisin Shqipërinë si një nga vendet më të korruptuara në botë dhe Basha në vend që të reagojë dhe veproj, hesht.
Nishani thotë se është e çuditshme, në të njëjtën kohë dhe gabimi më i madhe fakti që Basha nuk guxon të ngrejë dhe vazhdojë punën me Komisionin Hetimor Parlamentar. “Të nderuar miq, a mund të na thotë ndokush pse L. Basha nuk kërkon ngritjen e një Komisioni Hetimor Parlamentar për të hetuar lejet e dhëna nga Bashkia e Tiranës dhe proçeset për ngritjen e kullave skandaloze në Kryeqytet ?
Sipas një raporti të Nismës Globale kundër Krimit të Organizuar Ndërkufitar, rreth 60 për qind e firmave të ndërtimit që kanë marrë leje në periudhën kohore 2017-2019 në kryeqytet nuk justifikojnë burimet e tyre financiare, ndërsa vlerësohet se për 3 vitet janë pastruar në ndërtim rreth 1.6 miliardë euro
Pra ka një shqetësim të madh të opinionit publik për ekzistencën e një rrjeti të gjërë kriminal me profil mafioz në kontrollin e territorit të Kryeqytetit. Elektorati i opozitës dhe strukturat e Partisë Demokratike kanë denoncuar prej vitesh se paratë e pista përdoren për blerjen e votave në fushatat elektorale. Tani ngrihet një pikëpyetje e madhe
Pse L. Basha nuk shfrytëzon grupin parlamentar për të hetuar këto çështje por bën teatër me Becchettin ????? A nuk guxon ?
A nuk ka vullnet ? Apo nuk kupton ?”, shkruan ai.
Gjithmonë, Nishani ka qenë një nga kritikuesit më të mëdhenj ndaj Bashës, ai shpesh herë e ka akuzuar atë se po degradon opozitën për të favorizuar Ramën.
