Situata e COVID-19 në Greqia vazhdon të jetë kritike. Vetëm gjatë 24 orëve te fundit janë regjistruar 2,313 raste të reja me koronavirus.
Ndërkohë është rritur lehtë numri i viktimave ku në 24 orët e fundit 30 qytetarë nuk e kanë fituar dot betejën me Covid-19.
Numri i përgjithshëm i rasteve që nga fillimi i pandemisë arrin në 692.197 ndërsa janë regjistruar gjithsej 15,348 vdekje.
Kujtojmë që disa ditë më parë pezullimi i mësimit ka shkaktuar marshime dhe protesta në Greqi. Mësues dhe studentë kanë dalë në protestë, në lidhje me planet e qeverisë për vlerësimet periodike të performancës së stafit mësimdhënës.
Mediat greke bëjnë me dije se protestat u zhvilluan në Athinë si dhe Selanik, ndërkohë që kanë marrë pjesë rreth 3 mijë mësues dhe studentë.
