Kjo është fotoja e dy nga katër turistëve rusë që u gjetën të vdekur në dhomën e saunas në një hotel në Qerret gjatë orëve të vona të mbrëmjes së kaluar. Fotoja e nënë e bijë, Nataliia dhe Ekaterina Burenkova është publikuar nga mediat ruse që kanë arritur të identifikojnë imazhet e dy prej katër viktimave.
Hetimet për vdekjen e 4 turistëve në Qerret kanë ngritur një tjetër dyshim të fortë, atë të vrasjes.
Burime për gijotina.com bëjnë me dije se 4 të huajit kanë ardhur të dielën me një agjensi turistike, dje kanë shkuar në Ohër dhe në mbrëmje janë kthyer në hotel. Ndërsa mësohet se ata janë gjetur të vdekur në pishinën dimërore, jo në sauna.
Nga verifikimet e bëra në zonën e Saunas rezulton të mos jenë gjetur elementë që mund të shkaktonin asfiksi.
