U mbyll pa fitues ndeshja ndërmjet skuadrës së Partizanit dhe Kukësit. Një duel shumë i luftuar nga të dyja skuadrat që shënuan secila nga një gol duke ndarë pikët në këtë përballje. Për kryeqytetasit ishte barazimi i katërt radhazi në kampionatin shqiptar duke thelluar krizën e rezultateve. Ndeshja i pati të gjitha, episode, kartona dhe gola por jo fitues. Partizani kaloi në avantazh me Carën ndërsa miqtë rikthyen ekuilibrat me Feijao vetëm pesë minuta pas golit të kryeqytetasve.
Të dyja skuadrat e kërkuan deri në fundin e ndeshjes avantazhin por nuk i’a dolën duke ndarë pikët në këtë takim. Një situatë zhgënjyese në radhët e Partizanit që e kanë shumë të vështirë të lënë pas këtë start të kampionatit teksa ndeshje pas ndeshjes presioni rritet në maksimum ndërsa duelin e radhës e luajnë ndaj Tiranës në derbin e madh të futbollit shqiptar.
