Nënkryetari i LSI, Petrit Vasili duke shpërndarë videon e denoncimit të Kryemadhit, i ka kujtuar edhe njëherë Strukturës së Posaçme Antikorrupsion, SPAK, denoncimin e LSI për të ashtuquajturën masakra zgjedhore e 25 prillit.
Vasili e quan kallëzimin si denoncimin më të rëndë të pluralizimit, ndërsa edhe pse ndodhet prej muajsh në SPAK, ende ky institucion nuk është kujtuar.
Ishte kryetarja e LSI, Monika Kryemadhi e cila denoncoi me prova se si qeveria deformoi vullnetin e zgjedhësve në 25 prill, duke përdorur çdo burim dhe aset të shtetit, në funksion të manipulimit të procesit elektoral.
