Teksa procesi i votimit vijon në Maqedoninë e Veriut, duket se partia BDI, në raundin e parë del në avantazh në disa komuna.
Këtë lajm e ka bërë të ditur kreu i partisë, Ali Ahmeti i cili shfaqet i ekzaltuar sa i takon rezultateve paraprake, duke thënë se tashmë ka siguruar fitoren në zgjedhjet lokale të së dielës në Maqedoni të Veriut.
Një një konferencë për shtyp, Ahmeti tha se BDI ka fituar në Likovë, Pllasnicë dhe Saraj që në raundin e parë.
Ndërkohë, sipas tij, BDI udhëheq edhe në Tetovë, Çair, Kërçovë, Strugë, Zhelinë, Tearcë dhe Bogovinë.
Ahmeti tha se shkohet në balotazh në Dibër, Vrapçisht dhe Çashkë, kurse theksoi se presin ende për Gostivarin.
