Kontrollet blic në Durrës, kanë zbuluar në një banesë një sasi droge. Banesa ishte në pronësi të 43- vjeçarit me iniciale B. M., i cili është shpallur në kërkim.
Në një banesë të vjetër ngjitur me banesën e tij, shërbimet e Policisë kanë gjetur dhe sekuestruar në cilësinë e provës materiale 3 kg lëndë narkotike cannabis sativa.
Në vijim të kontrolleve, shërbimet e Policisë kanë konstatuar në afërsi të kësaj banese, personin e identifikuar me iniciale S. D., i cili kishte thyer masën e sigurisë “Arrest në shtëpi”, për veprën penale “Përndjekja”. Ai ka tentuar të largohet me një automjet që e drejtonte pa leje drejtimi.
Po ashtu, në vijim të veprimeve u bë shpallja në kërkim e personit të identifikuar me iniciale B. M. dhe arrestimi në flagrancë i të riut me iniciale S. D., 22 vjeç, banues në Borizanë, Krujë. Ndërsa në hetim për shkak të moshës, është vënë i mituri E. M., 15 vjeç, banues në Borizanë, Krujë.
