Një atentat me armë zjarri ka tronditur mëngjesin e sotëm Podujevën. Mediat në Kosovë raportojnë se “shënjestër” ka qenë një 41- vjeçar i identifikuar me iniciale G.B. Policia ka arrestuar një person të dyshimtë, për vrasjen e ndodhur në këtë fshat.
Sipas informacioneve të para dyshohet se viktima ishte duke lëvizur me biçikletë në këtë rajon të Podujevës, por që më pas është goditur prapa shpinës nga një person që ishte në një makinë e cila po qarkullonte në zonë.
Aktualisht hetuesit policor janë duke punuar për të ndriçuar dhe sqaruar të gjitha rrethanat që kanë të bëjnë me rastin, i cili u cilësua si Vrasje e rëndë.
Ndërsa theksojmë se i arrestuari është identifikuar me iniciale B.B., 47- vjeç pasi i është sekuestruar një armë zjarri që dyshohet të jetë përdorur në këtë rast.
