Tërmeti 4.5 ballë i cili goditi Lezhën mbrëmjen e kaluar rreth mesnatës, nuk pati dëme në njerëz apo materiale.
Ndërkohë, menjëherë pas lëkundjeve sizmike të cilat zgjaten për disa sekonda, qytetarët dolën nga banesat e tyre, duke qëndruar në rrugë apo makina.
Prefekti i Lezhës, Gjokë Jaku thotë se nga verifikimit në terren situata është e qetë. Ai shtoi se disa probleme janë shkaktuar në banesat e dëmtuar nga tërmeti i 26 nëntorit 2019, ku ende nuk është ndërhyrë për shkak të dështimit të procedurës së ankandit.
Tërmeti me magnitudë 4.5 ballë e kishte epiqendrën në zonën e Lezhës, ndërsa strukturat e emergjencave civile janë në terren për të verifikuar çdo lloj situatë që mund të ketë shkaktuar lekundjet sizmike.
