Mediat greke kanë njoftuar se më 29 tetor është dakorduar vizita e kancelares gjermane Angela Merkel në Athinë, e cila do të jetë edhe udhëtimi lamtumirës në Greqi.
Për momentin, nuk ka konfirmim zyrtar për vizitë ndërsa javën e kaluar gazeta greke “Ekatimerini”, duke u thirru në burimet e saja, shkroi se në Samitin në Slloveni kryeministri grek ka pasur takimet me Merkelin dhe i ka bërë ftesë, të cilën kancelarja gjermane ka pranuar.
Gazeta shkruan se vizita ka edhe karakter simbolik sepse “mandati i Merkelit, në një mënyrë “ishte në hap” me krizën greke, sepse bashkëpunoi me Karamanlis Papandreun, Papadimos, Pikramenos, Samaras dhe Cipras, të cilët një pas një e lëshuan pushtetin”.
Zëdhënësi i Qeverisë së Greqisë Janis Ikonomu, të hënën, duke ju përgjigjur pyetjes së korrespondentes së MIA-s në Athinë, tha se nëse ekziston diçka më konkrete rreth vizitës së Merkelit, do të kumtohet.
