Një ngjarje shumë e shëmtuar ka ndodhur gjatë ndeshjes së Kampionit të Kosovës në Hendboll, Besa Famgas me skuadrën nga Bosnja Hercegovina ‘Borci’ të Banja Lluka. Pejanët zhvilluan ndeshjen e parë të rrethit të dytë në EHF Cup në transfertë, ku pësuan humbje 28-25.
Ekipi i Kosovës u prit në një mënyrë shumë të keqe, me tifozët vendas që kanë bërë thirrje nacionaliste dhe raciste ndaj Kosovës dhe shqiptarëve. Pavarësisht këtyre thirrjeve, delegati i ndeshjes dhe gjyqtarët sllovak nuk e ndërprenë ndeshjen.
Në lidhje me këtë ngjarje klubi pejan ka reaguar në faqen zyrtare, ku i ka paralajmëruar boshnjakët se të dielën do t’i presë ‘ferri’ në palestrën Karagaçi në Pejë.
“Të dielën zhvilluam ndeshjen e parë të rrethit të dytë në EHF Cup kundër Borcit të Banjallukës ku pësuam humbje me rezultat 28-25 . Për dallim nga viti i kaluar këtë herë pritja nga nikoqirët ishte në nivel! Por me të filluar ndeshja nga tifozët vendas filluan brohoritjet dhe fyerjet nacionaliste/raciste që për çudi për delegatin dhe gjyqtarët sllovak ishte gjithçka në rregull ! “Kosova je Srbija” , “ Ubi ubi ubi shiptara” , “Kosovo je srce Srbije”, “Ubi hrvata da shiptar nema brata” , “Ubi , zakolji da shiptar ne postoji” , ishin vetëm disa nga “perlat” e tifozëve vendas ! U fyem nga e tërë palestra nga minuta e parë deri në fund por djelmoshat tanë treguan paraqitje të shkëlqyeshme e cila jep shpresë që në ndeshjen e kthimit do e arrijmë kualifikimin ! “Qershia mbi tortë” ishin lojtarët e Borcit të cilët pas përfundimit të ndeshjes iu bashkuan thirrjeve nacionaliste! Shihemi të dielën në “ferrin e Karagaçit” !!!”-shkruan klubi pejan.
Videoja e këtij momenti ka bërë xhiron e rrjetit dhe ka nxitur acarim te të gjithë shqiptarët./K.T/Gijotina.com
