Ministrja e Shëndetësisë dhe Mbrojtjes Sociale, Ogerta Manastirliu ka zhvilluar ditën e sotme një takim me Inspektoratin Shtetëror Shëndetësor.
Nëpërmjet një postimi në rrjetet sociale, ministrja bën të ditur se ka kërkuar riorganizimin e inspektorateve dhe forcimin e kontrolleve anti-Covid në vendin tonë.
“Me drejtuesit e Inspektoratit Shtetëror Shëndetësor kërkova riorganizimin e strukturave të inspektimit në territor, në funksion të monitorimit të zbatimit të masave anti-Covid si dhe forcimin e kontrolleve në strukturat e ofruesve të shërbimeve publike dhe jo publike me qëllim garantimin e standardeve të cilësisë”-mbyllet postimi.
Prej shtatorit, me hyrjen e stinës së vjeshtës në Shqipëri janë rritur numrat e të infektuarve dhe viktimave.
