Kryetari i Bashkisë së Tiranës, Erion Veliaj gjatë vizitës së tij në Washington DC ka zhvilluar një takim me zëvendës-ndihmës Sekretarin amerikan të Shtetit, Mattheë Palmer.
Ai ka ndarë disa foto me Palmer në rrjetet sociale ku shkruan për bashkëpunimin me kryebashkiakët e SHBA-ve për “Tirana, kryeqyteti Europian i Rinisë 2022”
“Shumë i lumtur që takova Zv/Sekretarin e Shtetit, Matthew Palmer në Washington, DC! Qytetet janë një platformë e shkëlqyer bashkëpunimi dhe inovacioni. Po përpiqemi që Tirana të jetë jo vetëm një urë-lidhëse në rajon, por edhe të bashkëpunojmë me kryebashkiakët në SHBA dhe qytetet tona simotra, teksa përgatitemi për #EuropeanYouthCapital2022”, shkruan Veliaj në Twitter.
