Skuadra e Vllaznisë ka siguruar një fitore tenistike ndaj Dinamos në ndeshjen përmbyllëse të javës së pestë në kampionatin shqiptar. Kuq e blutë bënë detyrën në shtëpi por triumfi 6-3 ndaj kryeqytetasve do të mbahet mend gjatë në Shkodër. Me këtë sukses Vllaznia ngjitet në vendin e dytë në kuotën e 9 pikëve ndërsa Dinamo pësoi kështu humbjen e parë sezonale.
Kryeqytetasit kaluan të parët në avantazh me Ibraimin i cili realizoi me portën e boshatisur por më pas vendasit përmbysën gjithçka në pjesën e parë me Dianje dhe Gjurgjeviç. Pjesa e dytë nisi mjaft mirë për Vllazninë që shënoi golin e tretë me Aralicën duke dërguar shifrat në 3-1.
Për të ngushtuar diferencat mendon sërish kapiteni i Dinamos, Ibraimi nga pika e bardhë e 11 metërshit. Megjithatë vendasit shënuan sërish me Aralicën i cili dërgon shifrat në 4-2 përara se Skuka në minutën e 72 të ngushtonte diferencat me një goditje me kokë brenda zonës. Megjithatë Jonuzi dhe më pas Mustedanagiç shënuan golat e tjerë për Vllazninë që mori një fitore të artë në këtë mbrëmje.
