Ish-kryeprokurori Adriatik Llalla vijon “betejën” me drejtësinë. Nëpërmjet avokatit të tij mbrojtës ai ka kërkuar rekurs të vendimit Gjykatës së Apelit për pezullimin e dënimit me 2 vite burg.
Tashmë do jetë apeli i GJKKO-së, ku pas caktimit të një date do vendosë nëse do lërë në fuqi vendimin e Shkallës së Parë, që rrëzoi kërkesën e Llallës, apo do pranoj kërkesën e tij për pezullim dënimi. Ish-kryeprokurori është në kërkim ndërkombëtar për korrupsion.
Deri më tani nuk ka asnjë informacion për vendndodhjen e tij.
Pas vendimit nga gjykata për urdhër-arrest, policia ka shkuar ta arrestojë në shtëpi ish-kryeprokurorin.
Uniformat blu kanë hapur derën e banesës në Tiranë e cila fillimisht ishte e mbyllur. Ndërsa gjatë kontrollit nuk është gjendur askush. Theksojmë se jo më pak se një orë më parë, jashtë banesës është fotografuar edhe bashkëshortja e tij me djalin.
Teksa policia pret gjetjen e kryeprokurorit edhe bashkëshortja e tij ka marrë arratinë.
Deri tani dyshimet janë se ish-kryeprokurori mund të jetë arratisur drejt Italisë, pasi disa fotove që qarkulluan në media ku ai është parë duke pritur në një stacion treni në Romë.
Ky dyshim erdhi si “bombë” për organet ligjvënëse të cilat, pasi Llalla mesa duket ka përgënjeshtruar dëshminë e dhënë para togave të zeza, ku prej një jave kërkoi të largohej jashtë vendit për t’u mjekuar në një klinikë private në Turqi.
Për këtë të dhënë ka reaguar edhe avokati i Lallës: Unë isha në gjykatën e Apelit dhe shtrova pretendimet e mia për mbrojtjen ligjore. Klienti im ndodhet aktualisht në regjim spitalor.
Theksojmë se nëse nuk paraqitet pas lënies në fuqi të vendimit, ndaj ish kryeprokurorit mund të shpallet urdhër kërkimi ndërkombëtar. / A.L gijotina.com /
