Teksa deri “dje” ata ishin çifti më i komentuar i estradës dhe më i pëlqyeri, sot gjuetarët e shoëbizz aludojnë mbi ndarjen e tyre. Komentetet epike dhe thumbat nëpër postime, dëshmojnë më së miri se ndarja mes aktorit të humorit Donald Veshaj dhe moderatores së njohur Bora Zemani nuk ka qenë aq e “paqtë”. Lidhja e tyre, më pas ndarja, ribashkimi dhe pranimi i dashurisë publikisht dhe në fund shkëputja e marrëdhënies së dashurisë i ka vendosur ata gjithmonë në qendër të vëmendjes.
Sakaq, kjo gjë nuk u ka shpëtuar as konkurrentëve të Big Brother VIP që në një mënyrë ose tjetër kanë dashur të njihen më shumë me njëri tjetrin për shkak edhe të izolimit brenda shtëpisë së famshme. Tani që Donaldi është bërë pjesë e “Big Brother VIP” kurioziteti i publikut dhe banorëve është tepër i madh për të ditur më shumë rreth shkaqeve që e çuan dyshen në ndarje dhe po ashtu raportin që ata kanë.
Në lidhje me këtë, Donaldi ka folur hapur dhe pa dorashka në bisedë e sipër me Granitin.
Aktori i humorit ka treguar se marrëdhënia e tij me Borën ka qenë diçka shumë e fortë dhe pavarësisht se jeta ka bërë të vetën, ai e ka dashur shumë moderatoren.
Donaldi: Ka 4-5 muaj që jemi ndarë. Po e kam dashur. Kemi qenë bashkë 2 vjet e gjysmë, kemi bashkëjetuar. Ka qenë diçka e fortë fare, por jeta bën të vetën.
Nga ana tjetër, i pyetur nga konkurrenti i “BBV”, Graniti ka treguar se lidhja e fundit e dashurisë së tij ka qenë para një viti, duke shtuar se ka qenë tejet i përfshirë në marrëdhënie.
Graniti: Ka disa muaj, por edhe unë e kam pasë kështu të fortë, e kam ndje shumë, diku afër 1 vit.
Së fundi lart e poshtë gjuetarët e showbizz, aluduan se dyshja mund të jetë ndarë për shkak të xhelozisë, duke i dhënë fund kësaj histori dashurie në estradën shqiptare.
