Qyteti i Korçës është pushtuar nga mjegulla që prej orëve të para të mëngjesit, ku ka shkaktuar dhe vështirësi në qarkullim. Për disa prej akseve rrugore, bëhet thirrje qe të udhëtohet me kujdes. Patrulla policie janë vendosur në rrugë, për të siguruar mbarëvajtjen, deri në normalizimin e situatës. Aktualisht nuk raportohet për incidente, por zonat malore janë të pakalueshme.
Gjithashtu dhe aksi Korçë-Pogradec vijon të jetë problematik, ku përgjatë gjithë gjatësisë së tij pamja është e dobët. Vitin e shkuar, kur qyteti i Korçës regjistroi po të njëjtin fenomen, u regjistrua një numër i madh aksidentesh, madje dhe persona të transportuar në spital për shkak të frakturave.
