Shqipëria është një ndër vendet me kriminalitetin më të lartë, për sa i përket krimit të organizuar, duke përmendur këtu dhe forcën e ulët për ta luftuar atë.
Sipas Indeksit Global të Krimit të organizuar, vendi ynë është ndër 57 vendet me kriminalitet në shkallë të lartë, nga 193 vende në total, sipas shteteve anëtare të OKB.
Bazuar në atë çka shkruhet, vendi ynë dominohet nga rrjete kriminale të mbivendosura dhe aktorë të stilit mafioz familjar. Këtu vijon të jetë aktiv trafikimi i qenieve njerëzore, drogë, ku thuhet se po kalojnë në prokurorim publik. Në një nga cilësimet, shkruhet se kriminaliteti është i lidhur ngushtë me zyrtarë të korruptuar në polici apo gjyqësor, duke shtuar këtu edhe politikanët. Trafikimi i narkotikëve është kthyer në një biznes, konkretisht kanabisi, ku janë shqiptarët ata të cilët bëjnë trafikimin e tij në Europë e jo vetëm. Indeksi Globl shton se këta persona kujdesen gjithashtu për ruajtjen dhe shpërndarjen e drogës, ku kanë një ndikim të lartë në kontinent.
Më tej, është folur dhe për trafikimin e qenieve njerëzore, i cili vjen si pasojë e kriminalitetit të lartë, por njëkohësisht dhe forca e ulët me të cilën luftohet krimi në Shqipëri. Qeveria shqiptare akuzohet se po tregon një mungesë të theksuar të impenjimit ndaj mbrojtjes së viktimave të krimit të organizuar.
Për viktimat e trafikimit, në vend nuk ka struktura të posaçme të cilat mund të bëjnë trajtimin e rasteve, duke i lënë të pambrojtur. Lidhjet e forta mes organizatave të stilit mafioz dhe legjislaturës shqiptare dhe agjencive të zbatimit të ligjit shpesh i vënë në rrezik dëshmitarët.
“Skemat e ndihmës juridike duhet të zhvillojnë mekanizma në terren dhe qasje në shërbimet e mbrojtjes. Organizatat e shoqërisë civile (OSHC) me mbështetjen e donatorëve mbeten ofruesit kryesorë të ndihmës për shumicën e rasteve që përfshijnë grupe të cenueshme, në vend të agjencive qeveritare”, thuhet në një pjesë të studimit, duket folur kështu dhe për një mangësi të sistemit të drejtësisë.
Në përfundim të raportit të Indeksit Global, shtohet angazhimi i shoqërisë civile dhe mediave në luftimin e krimit të organizuar, është i kufizuar.
