Sfida e re që “vëllai i madh” ka vendosur, do të kufizojë më shumë banorët e shtëpisë.
Fillimisht banorët u ndanë në çifte sipas një shorti të rastësishëm. Tashmë ata do duhet të jetojnë të veshur me një bluzë të vetme dhe të kryejnë të gjithë veprimet e përditshme të pandarë. I vetmi rast përjashtues është larja në pishinë, fjetja, larja në dush dhe përdorimi i tualetit.
Banorët duhet të kenë durim për të jetuar nën këto kushte deri ditën e premte.
Brother Vip do të jetë formati argëtues më interaktiv i ekranit. Aty ku publiku do ketë mundësi të njohë personazhe të famshëm në çdo dimension të tyre. Përgjatë 100 ditëve të izolimit, personazhe publike nga fusha të ndryshme do të bashkëjetojnë në shtëpinë më të përgjuar të botës, ku do t’u duhet të përballen me sfida aspak të lehta diktuar nga “vëllai i madh”. Të gjithë në garë për të rezistuar deri në fund dhe për të fituar Çmimin e Madh 100,000,000 lekë.
