Dorian Petoku, i cili ra në pranga falë operacionit të përbashkët me autoritetet italiane “Brasile low cost”, është ekstraduar drejt Italisë nga autoritetet shqiptare. Ai u arrestua në 30 janar të vitit 2019 në Tiranë dhe tashmë është në duart e drejtësisë italiane.
“Dorian Petoku nuk është vetëm një trafikant droge, ai është një mbret i trafikut evropian të drogës dhe është një nga figurat më të spikatura të mafies shqiptare, e cila ka përmbytur Romën me kokainë, marijuanë dhe armë” shkruajnë mediet italiane.
33-vjeçari akuzohet se është pjesë e një grupi që kishte tentuar të trafikonte 7 ton kokainë nga Brazili në Itali, por autoriteteve në Romë u kishte shpëtuar, ndërsa tashmë do të përballet me veprat penale.
Në Itali për këtë dosje janë disa të arrestuar, mes të cilëve Silvano Mandolesi, Marcello Sciaffini, Salvatore Casamonica dhe malazezi Tomislav Pavloviç.
Mes grupeve kishte dakordësi për të trafikuar 7 ton kokainë në vit nga Amerika Latine në Itali me anë të avionëve. Arrestimi i 31-vjeçarit vjen një ditë pas vizitës në Tiranë të kreut të Antimafias Italiane.
