Analisti Dritan Hila ka komentuar nismën e Partisë Demokratike për vettingun e politikanëve. Gjatë një interviste televizive ai ironizoi deklaratën e Bashës, i cili tha se ishte i gatshëm që në vetting të futej ai i pari. Hila tha se Basha do të dalë i pastër edhe pse ka vila.
“Politikanë të korruptuar e dimë kush janë. E kampin që nga makina 100 mijë euro, të vila, pushimet e shtrenjta. E keqja është se këto mund ti justifikojë se i ka në emra të tjerë, por ne e dimë që ata i kanë.
Basha do dalë i pastër sepse edhe vilat që i ka i ka marrë me qira. Ka nja dy vila në Lalëz, dy te Papuli. Dakord ai kursen. Unë gjithë jetën e kam pas rrogën më të lartë se politikanët, por nuk i kam standardet e tyre”, u shpreh analisti.
Nga ana tjetër ai tha se e vështirë të nisë një proces i tillë në Shqipëri për shkak se institucionet e drejtësisë janë të ndikuara nga politika.
