Polica e Tiranës ka vënë në pranga 3 persona, ndërsa një tjetër u procedua në gjendje të lirë. Konkretisht bëhet fjalë për personin me inicialet A. P. 30 vjeç, i cili në rrugën “Lekë Zaharia” në magazinën e lokalit të tij, iu gjet dhe iu sekuestrua një sasi me lëndë narkotike kokainë.
U procedua në gjendje të lirë personi me inicialet B. Sh, 19 vjeç, pasi gjatë kontrollit fizik iu gjet dhe sekuestrua një sasi me lëndë narkotike kanabis.
Po ashtu u prangos R. Q, 18 vjeç, pasi dyshohet se në lokalin ku ishte i punësuar si kamarier kryente aktivitetin e paligjshme të lojërave të fatit.
Gjatë kontrollit të lokalit, shërbimet e Policisë gjetën dhe sekuestruan një sasi me lëndë narkotike kokainë.
Nga ana tjetër është prangosur edhe B. V, 31 vjeç, pasi gjatë kontrollit të ambientit përreth ku u konstatua ky person, Forca e Posaçme “Shqiponjat” gjetën dhe sekuestruan një sasi me lëndë narkotike kanabis.
Materialet i kaluan Prokurorisë pranë Gjykatës së Shkallës së Parë Tiranë, për veprime të mëtejshme.
