Ndryshe nga sezonet e kaluara, rivaliteti për të fituar çmimin prestigjioz të “Topit të Artë” është rritur ndjeshëm. Shumë futbollistë kanë shanse dhe shpresojnë të fitojnë këtë çmim por favorit konsiderohet Lionel Messi. Ylli i Manchester Sitit, Kevin De Bryn ka theksuar se ai mendon se Levandovski e meriton më shumë se futbollistët e tjerë këtë trofe duke renditur edhe arsyet.
“Nëse me pyesni mua, atëherë do të gjykoja mbi atë që ka ndodhur këto dy vite, sepse vitin e kaluar nuk u dha ky çmim për shkak të pandemisë. Unë do të zgjidhja Levandovskin për atë që ai ka bërë dy sezonet e fundit”, theksoi De Bryjn. Levandovski shënoi më tepër gola në kampionatet më të forta europiane duke kaluar edhe legjenden Gert Muler me fanelën e Bajernit ndërsa prej disa sezonesh ka ruajtur formën brilante.
