Deputeti i Partisë Demokratike, Luan Baçi, ka zbardhur gjatë një interviste televizive takimin që zhvilloi me kryedemokratin Lulzim Basha, dy ditë më parë.
Baçi tregoi se, Basha i kishte komunikuar se në degën e Fierit do të komandonte një tjetër drejtues, ndërsa deputeti demokrat shtoi se nuk e kishte pranuar propozimin e tij.
“Më thirri Basha dhe më tha kërkoj dakordësinë tënde për të komanduar një person tjetër në krye të degës së Fierit. I thashë se nuk e di, e se jam i papërgatitur dhe i thashë se jam unë në krye të degës dhe nuk kemi emergjencë për të bërë një veprim të tillë. I thashë që është kompetencë e Kryesisë së Degës. Kjo ishte biseda dhe jamlarguar nga zyra duke mos i dhënë dakordësi”, u shpreh ai.
“Të nesërmen është dhënë lajmi. E pashë të arsyeshme që të mblidhja Kryesinë e degës. Nuk ka pasur shkesë zyrtare as në momentet që zhvillonim mbledhjen. Ka ardhur gjatë mbledhjen në e-mailin tim. Sipas informacioneve që kam, me shumicë më kanë konfirmuar se nuk ka pasur asnjë mbledhje Kryesie. Gjithë kryesia e degës së Fierit nuk dakordohet me një vendim të tillë dhe të pa njoftuar nga ta”, tha Baçi
Ndër të tjera ai tregoi se mbi në Fier janë mbledhur mbi 500 firma për nga zhvillimi i “Foltores’ së Berishës, për të mbledhur sa më parë Kuvendin e PD.
