Lajme të mira kanë mbërritur për Kombëtaren shqiptare, ndërsa mësohet se Ivan Balliu dhe Sokol Cikalleshi kanë fituar luftën me Covid-19.
Balliu nuk ka pritur dhe është bashkuar me skuadrën e Vallecanos, ku ka kryer seancën e parë pas pushimit nga koronavirusi. Mbrojtësi është titullar te skuadra spanjolle dhe së fundmi ka publikuar foto në rrjetet sociale ku duket shumë i lumtur për rikthimin.
Ndërsa lojtari tjetër i Kombëtares ‘Kuqezi’, Sokol Cikalleshi po ashtu ka kaluar koronavirusin dhe është nisur sot në drejtim të Turqisë, ku do të bashkohet me Konyasporin.
Të dy yjet e përfaqësueses sonë munguan në ndeshjen e ‘Kuqezinjve’ kundër Polonisë që u luajt në ‘Air Albania’ dhe mungesa e tyre u ndje shumë, me formacionin e Kombëtares që u ndryshua thuajse e gjitha./K.T/Gijotina.com
