Situata midis Lewis Hamilton dhe Max Verstappen vazhdon të jetë shumë e tensionuar. Gjatë provave të lira për Çmimin e Madh të Austinit në Shtetet e Bashkuara të Amerikës, dyshja pati një ‘përplasje’ të ashpër.
Britaniku parakaloi holandezin në dy kthesa që nga fillimi i xhiros së shpejtë, duke zënë pozicionin e tij, duke bërë pikërisht atë manovër që çmend të gjithë pilotët.
Ndërsa Max e përshëndeti më pas kampionin e botës duke i treguar gishtin e mesit.
“Idiot, budalla”,-u dëgjua Verstappen të thoshte në radio. Ndërsa menjëherë pas përfundimit të provave shtoi: Nuk e di çfarë kishte ndërmend, pasi më shoqëroi përgjatë gjithë vijës dhe më pas më shtyu të dal jashtë në momentin që po frenoja.
Duket se dyshja do të vazhdojnë të kenë përballje me njëri-tjetrin, ndonëse pak kohë më parë thanë se gjakrat ishin qetësuar./K.T/Gijotina.com
