15 të shtëna armësh kanë përfshirë qytetin e Fierit, pranë zonës së njohur si ish-QTU, ku ka mbetur i plagosur një person.
Burimet për Gijotina.com bëjnë me dije se një person ka mbetur i plagosur nga të shtënat me kallashnikov dhe pistoletë dhe është dërguar në gjendje të rëndë në spitalin e Fierit. Mësohet se i plagosuri është Demir Backa, rreth 50 vjeç.
Autori ka goditur nga makina në lëvizje në aksin Fier-Vlorë dhe i plagosuri ndodhej në makinën e parkuar tip “Audi”.
Ndërsa, deri tani është gjetur një makinë tip “Benz” e cila kishte rënë në kanal e djegur.
Mësohet se ambulanca dhe policia kanë mbërritur menjëherë në vendin e ngjarjes dhe po punohet për zbardhjen e plotë të rrethanave të ngjarjes së rëndë.
