Kategoria Superiore do të luajë sot edhe dy takimet e mbetura sa i përket javës së gjashtë të saj.
Fillimisht në fushë do të zbresë Kukësi, që e pret një përballje e vështirë ndaj Vllaznisë, ku ekipi i trajnerit Longo vjen menjëherë pas barazimit me Partizanin, ndërsa shkodranët janë të ‘karikuar’ pas fitores 6-3 kundër Dinamos, takim që do të mbahet në ‘Arena Egnatia’ në orën 13:45.
Skënderbeu – Dinamo është takimi tjetër i kësaj fundjave, me sfidën që do të luhet në Korcë në orën 16:45, ku motivi i vetëm për të dyja skuadrat do të jetë arkivimi i tre pikëve pasi vijnë nga humbjet respektive, ku Dinamo kërkon mos të humbasë diferencën me kryesuesit, ndërsa Skënderbeu të largohet nga zona e kuqe e tabelës.
