Policia e Kosovës ka sekuestruar 10.5 kg marijuanë në një banesë në Suharekë. Bëhet fjalë për një aksion i ndërmarrë me urdhër verbal të Prokurorit të Shtetit dhe aprovimin e Gjyqtarit të Procedurës Paraprake.
Policia ka pasur informacion të siguruar në rrugë operative se një person, mbante në banesën e tij sasi të madhe lënde narkotike, të cilën e trafikonte. Menjëherë nisi kontrollin në banesën e personit të dyshuar, ku në përfundim u sekuestruan 10.5 kg marijuanë e ndarë në thasë të zinj. Gjithashtu u gjet një peshore elektronike, qese elektronike për ndarjen e dozave, si dhe një mjet për vakumin e tyre.
Pronari i banesës aktualisht është në arrati, e policia nuk ka rënë dot në gjurmët e tij. Sapo të lokalizohet ai do të arrestohet menjëherë,, pasi ndaj tij rëndojnë disa akuza.
Policia ka vijuar kërkimet përgjatë gjithë pikave kryesore në të cilat mund të ishte i fshehur, por deri më tani asgjë.
Të afërmit e tij nuk kanë asnjë informacion, teksa kërkimet pritet të intensifikohen.
