Deputeti i Partisë Demokratike, Ervin Salianji, ka reaguar për ngjarjet që kanë ndodhur në orët e fundit në Fier në Fushë Krujë.
Me anë të një postimi në facebook, Salianji thotë se gjendja e rendit publik po degradon çdo ditë e më shumë. Sipas tij ngjarjet si ajo e Fierit dhe e Krujës tregon mungesë e çdo lloj frike nga shteti.
“Për fat të keq gjendja e rendit publik degradon çdo ditë e më shumë! Askush nuk ndihet i sigurt për familjen, biznesin, fëmijët. Vrasjet e tipit mafioz si ajo në mes të qytetit në Fier janë shtuar, tmerri i ngjarjes së Krujës vendos kujën për gjithçka i ka ndodhur familjes së një biznesmeni, tregon mungesë e çdo lloj frike nga shteti!” – shkruan Salianji.
Sipas tij qeveria ka përdor këta njerëz të krimit në zgjedhje dhe sot ata ndidhen zotër të vendit.
“Qeveria i përdor këta llumra në zgjedhje dhe ata sot ndihen zotër të vendit që mund te prodhojnë gjithçka përtej imagjinatës! Qeveria jo vetëm është e paaftë të mbrojë jetën, pronën dhe rendin por reagimet e saj janë të vobekta duke i kaluar ngjarjet si normalitet. Qeveria duhet te mbaje përgjegjësi, krahas pasigurisë social-ekonomike, shqiptaret sot nuk kanë as siguri publike!”- është shprehur Salianji.
Kujtojmë se mbrëmjen e djeshme në Fier është vrarë në një atentat biznesmeni Demir Backa. Ndërsa në orët e para të mëngjesit të sotëm, në qytetin ne Fushë Krujës është dhunuar në shtëpinë e tij dhe është grabitur nga 10 persona biznesmeni Nazmi Çangu.
