Peshkimi në Parkun Kombëtar Detar Karaburun–Sazan është i ndaluar në bazë të urdhrit të Ministrisë së Shëndetësisë.
Në bazë të rregullores së botuar në Fletoren Zyrtare, nuk do të lejohet me ky aktivitet në Sazan dhe Karaburun. Aktiviteti i peshkimit çlodhës-argëtues do të kryhet në një distancë jo më të vogël se 500 m nga mjetet e peshkimit profesional. Ushtrimi i këtij aktiviteti të peshkimit çlodhës e argëtues ndalohet të kryhet gjatë sezonit turistik në orarin 8:30 me 19:30. Ai do të lejohet në një distancë jo më të vogël se 200 m nga plazhet dhe 100 m nga brigjet shkëmbore. Në mole apo shkëmbinj, përgjatë sezonit turistik në oraret e ndalimit, do të lejohet vetëm në mungesë të pushuesve me kallama ose grepa.
Në momentet kur ka pushues, nuk vijon asnjë aktivitet, madje nuk duhet të përdoren mjete profesionale.
Gjithashtu për të gjithë zhytësit, nuk lejohet përdorimi i bombolave të oksigjenit. Ndalohet rreptësisht kapja e molusqeve apo koraleve. Armët nuk mund të mbahen të karikuara në zonat ku ka turistë, madje ndalohet të ushtrimi i aktivitetit në një distancë më të vogël se 500 m nga plazhet e frekuentuara nga pushuesit. Aktiviteti mund të vijojë vetëm në një distancë më të madhe se 100 m, nga bregu shkëmbor.
