Sejlan Pasuli, (60 vjeçe) ka arritur që ta mposhtë sëmundjen e kancerit në gji, por ajo tani e ka të vështirë të mbijetojë nga kushtet e vështira socio-ekonomike, me të cilat është përballur pas diagnostikimit me kancer.
Në një banesë prej 60 metrash katrorë në Prizren, jeton me vajzën e saj 20-vjeçare, Andrrën.
Të ardhura të vetme që ato kanë, janë nga ndihma sociale në vlerë 100 euro.
“Për barna shpenzoj mbi 30 euro në muaj, plus udhëtimin që vij për kontrolle në Prishtinë. Jetoj edhe me ndihma që m’i japin të afërmit”, thotë ajo.
Zonja Pasuli para diagnostikimit me kancer për disa vjet ka punuar në një shkollë ndërkombëtare në Kosovë. Për operacion në një spital private, asaj i kishte ndihmuar financiarisht shkolla ku punonte si kuzhiniere me një pagë mujore prej 200 eurosh në muaj.
Por, pas shërimit, siç tregon, ajo më nuk arriti të kthehet në vendin e punës.
Institucioni ku ajo punonte nuk e kishte kthyer në punë, por për tre vjet me radhë asaj i ishte ofruar një ndihmë mujore prej 150 eurosh.
Gjatë kësaj periudhe janë diagnostikuar 1,100 raste të reja me kancer. Më shumë 300 gra janë diagnostikuar me kancer të gjirit.
