Tentuan të kalonin kufirin me dokumentet të falsifikuara, por u arrestuan nga policia. Bëhet fjalë për 3 egjiptianë, të cilët synonin të largoheshin drejt Italisë nëpërmjet portit të Vlorës. Ata u ndaluan pas kontrolleve të bëra në vijën e dytë, ku po udhëtonin me automjetin tip “Opel”. Policia gjeti dhe sekuestroi 2 leje qëndrimi dhe 2 karta identiteti të cilat iu përkisnin atyre.
Makina drejtohej nga Abdelsattar Gad, ku pasagjerë ishin dhe EsamHegazy dhe Mahmoud Elagëany.
Sipas hetimeve të bëra, rezulton se ka qenë Abdelsatter Gad, ai që ka ndihmuar dy personat e tjerë në tentativën për të kaluar kufirin drejt Italisë, ku dhe banonte 23-vjeçari.
Mbi të rëndon vepra penale “Ndihma për kalim të paligjshem të kufirit”, ndërsa për dy egjiptianët e tjerë ato “Falsifikimit të letërnjoftimeve, pasaportave ose i vizave” dhe “Kalimi i paligjshëm i kufirit shtetëror”.
