Pas pak minutash starton ndeshja më e madhe e globit ndërmjet skuadrës së Barcelonës dhe Real Madrid. Një sfidë shumë e rëndësishme për të dyja skuadrat që synojnë tre pikët në kampionat. Presioni natyrisht që bie tek skuadra e Barcelonës për shkak të situatës aspak të mirë këtë fillim sezoni.
Sidoqoftë katalanasit duhet të shfrytëzojnë faktorin fushë pasi do të kenë përkrahjen e 98 mijë tifozë në stadium për herë të parë pas dy sezonesh. Për këtë sfidë trajneri Roland Kuman ka përzgjedhur këtë formacion:
Ter Stegen, Pique, Alba, Mingueza, De Jong, Busquets, Gavi, Dest, Depay, Fati. Një zgjedhje e guximshme për Gavin i cili nuk ka eksperienca në ndeshje të tilla.
Në kampin e Real Madrid, trajneri Karlo Ançeloti ka zgjedhur një formacion sulmues.
Courtois, Mendy, Alaba, Militao, Vazques, Modriç, Casemiro, Kroos, Vinicius, Benzema, Rodrygo.
Reali kërkon suksesin për të vijuar marshimin drejt kreut të renditjes.
