LSI ka deklaruar sot se reforma në drejtësi po kthehet në pazare partish. Përmes një deklarate për mediet Sekretari i Përgjithshëm Lëvizjes Socialiste për Integrim, Endrit Braimllari ka bërë thirrje që kërkesa për zgjatjen e afateve të vettingut të mos kthehet në një pazar politik. Sipas tij, poetika po ndërhynë në reformën në drejtësi dhe kjo e fundit nuk po funksion në favor të qytetarëve por të politikanëve.
“Procesi vettingut nuk është i LSI. Kjo kërkesë nuk duhet të shërbejë për pazare në dëm të interesit të qytetarëve. Kur zoti Meta ishte kryekuvendor punoi intensivisht për të arritur këtë reformë në mënyrën më të mirë të mundshme. Besimi të vinte në rritje. Kemi një reformë që po i shërben politikanëve dhe jo qytetarëve, është reformë për rilindjen”, tha ai.
Sipas Braimllarit, problem është se njerëzit nuk kanë besim tek SPAK. Ai tha se Prokuroria e Posaçme do tregojë që është në shërbim të qytetarëve atëherë kur të marrë për bazë ankesat dhe denoncimet e tyre, atëherë kur të fillojë ndëshkimet për zyrtarët e lartë.
“ Unë them se kjo është çështje besimi te SPAK. Vetë SPAK duhet të japi prova konkrete për denoncimet që ne kemi bërë, si shpërdorimin e fondeve të rindërtimit. Sot është dita e çlirimit të Korçës, por në Korçë ka një largim masiv të të rinjve për shkak të keqmenaxhimit nga ana e qeverisë. LSI ka në fokus të rinjtë Me një axhendë të qartë mbi çështjen e punësimit të të të rinjve. Sipas raporteve ndërkombëtare ka një krisje besimi tek reforma në drejtësi. Është më I ulët besimi sot se në momentin kur nisi kjo reformë. Ka çështje pa fund në gjykata. Kemi dhe një sistem ku Rilindja ka future duart”, u shpreh ai.
Sakaq, ai tha se edhe PD nuk duhet t’i ngatërrojë çështjet e saj të brendshme me detyrat që ka si opozitë
