Skuadra e Liverpoolit ka fituar me shifrat e thella 5-0 në fushën e Manchester United. “Djajtë e kuq” pësuan një goditje të rëndë në këtë përballje teksa trajneri Solskjaer është drejt shkarkimit. Skuadra e teknikut Jurgen Klopp ishte dominuese nga fillimi deri në fund të ndeshjes. Në këtë sfidë United mbeti me 10 futbollistë pasi Pogba u ndëshkuar me kartonin e kuq. Keita dhe Jota shënuan dy gola të shpejtë në fillimin e ndeshjes teksa më pas ishte Salah që realizoi dopietën personale.
Në fraksionin e dytë nuk pati aspak histori. Egjiptiani Muhamed Salah kompletoi tripletën personale teksa gjyqtari në minutën e 53 anuloi një gol të Ronaldos për pozicion jashtë loje. Në minutën e 61 Pogba u ndëshkua me kartonin e kuq teksa ndeshja ishte praktikisht e përfunduar. Liverpool vijon ndjekjen ndaj Chelseat teksa United përfundon në vendin e shtatë në renditje.
