Astrit Selmani i trembi të gjithë kur u rrëzua pa ndjenja në fushë në ndeshjen kundër Ostersunds.
Lojtari i Kombëtares së Kosovës ishte në përballje me një nga lojtarët kundërshtar, kur pas një goditjeje me brryll ra pa ndjenja në tokë.
Mjekët ndërhynë menjëherë për t’i ofruar ndihmën e parë dhe më pas u dërgua me urgjencë në spital.
Sipas një reagimi të klubit suedez të Hammarby mësohet se Selmani është jashtë rrezikut për jetë dhe do të kthehet në stërvitje pas disa ditësh.
“Astriti tashmë i është nënshtruar ekzaminimit në spitale, gjë që është standarde në këtë lloj ngjarjeje. Tregon se përplasja ka shkaktuar një tronditje. Tre qepje për plagën në vetull, pa lëndime të tjera. Priten disa ditë pushim para se Astriti të fillojë të stërvitet”,-shkruhet në njoftim.
Theksojmë se Selmani është duke kaluar një sezon të mirë, duke shënuar katër gola dhe dhënë gjashtë asiste deri më tani./K.T/Gijotina.com
