Vetëm pak orë pas depozitimit të padisë në Gjykatën Kushtetuese, janë zbardhur dy kërkesat e PD për çështjen Becchetti.
Sipas shkresës zyrtare, mësohet se kërkesa për Gjykatën Kushtetuese është zgjidhja e mosmarrëveshjes së kompetencës ndërmjet jo më pak se një të katërtës së deputetëve dhe Kuvendit të Republikës së Shqipërisë.
Ndërsa kërkesa tjetër është deklarimi si të papajtueshëm me Kushtetutën e Republikës së Shqipërisë të vendimit të Kuvendit për mosmiratimin e ngritjes së Komisionit Hetimor Becchetti.
Gjithashtu bëhet me dije se Partia Demokratike kërkon të hetojë veprimet dhe mosveprimet e institucioneve shtetërore dhe funksionarëve publikë që çuan në një dëm prej 120 milionë euro ndaj buxhetit të shtetit.
