U konfirmua si arkitekti i qarkut të Tiranës në shërbim të Edi Ramës, por një mot me vranësira të forta dhe me stuhi pritet të bashkëshoqërojë në muajt në vijim edhe Kryetarin e Bashkisë, Lalin që aktualisht ndodhet në Uashington në një vizitë të palajmëruar, jo zyrtare, por me shumë pse dhe hamendësime të prezencës së tij atje. Kryebashkiaku-potent që arriti ato që deshi në zgjedhjet e 25 prillit në qarkun më kryesor në vend pritet të përballet me një valë të madhe përballjesh me gjithcka ka kaluar në zyrën e tij, por mbi të gjitha shterrueshëm dhe kryesisht me zbardhjen e përgjimeve të dosjes së NDRAGETTËS. Dosje të tilla do të vihen nga burime konfidenciale edhe në portalin Gijotina, për të bërë të mundur zbardhjen e çdo kumunikimi për të gjithë sistemin e pastrimit të parave dhe të dhënies së lejeve të ndërtimit, aferave dhe lidhjeve me akuzat që vijnë përtej Adriatikut, e ku natyrisht në mes violinë e parë është kryebashkiaku. Sipas burimeve që vijnë nga organet e hetimit, janë me mijëra fashikuj që kompromentojnë fort edhe pozicionin e tij në këtë aferë që muaj më parë u denoncua jo aq sa duhej nga opozita, duke lënë një histori të tillë në një rënie të lirë deri në mbylljen e jehonës së saj. Vetë ai, Lali i Bashkisë ndien edhe afrimin e valës së një rreziku eminent, e që natyrisht i bashkangjitet edhe jo pak dosjeve të tjera që janë në SPAK në lidhje me shumëçka tjetër është denoncuar, duke patur si pikë referimi, shembjen e Teatrit Kombëtar. Por, ajo që e tërbon më shumë atë është pikërisht dosja Ndragetta, e cila në një mënyrë apo tjetër do të qartësojë dhe do të kontrurojë akoma më shumë pozicionin e kryetarit të Bashkisë në raport me grupin mafioz.
