Policia e Durrësit ka arrestuar katër persona për kontrabandë, ku mes tyre ishin edhe dy doganierë, duke finalizuar kështu operacionin policor të koduar “Porosia”.
Sipas policisë, në lagjen nr.13, Durrës, një mjet furgon tip “Mercedes Benz”, me drejtues G. K. dhe pronar B. Ll. Gjatë kontrollit në këtë mjet janë gjetur dhe sekuestruar në cilësinë e provës materiale një sasi medikamentesh të ndryshme mjekësore, kamera sigurie dhe Rapid Test Antigen.
Në vijim të hetimeve, uniformat blu kanë arrestuar edhe A. T., 58 vjeç dhe E. Sh., 52 vjeç, me detyrë doganier, të dy banues në Durrës. Këta shtetas dyshohet se kanë shpërdoruar detyrën duke mos kryer kontrollin e imtësishëm të mjetit ku u gjetën mallrat kontrabandë.
Materialet i kaluan Prokurorisë së Rrethit Gjyqësor Durrës, për veprime të mëtejshme.
