Derbi i kryeqytetit Tirana-Partizani nuk rrëmben vetëm vëmendjen e opinionit sportiv në Shqipëri por kalon edhe jashtë kufijve. Gazeta e famshme sportive spanjolle me seli në Barcelonë, “Sport”, i ka kushtuar një dosier të veçantë përballjes mes dy klubeve të kryeqytetit që mbartin një rivalitet të tejskajshëm ndërmjet tyre. Kjo media e ka titulluar derbin e kryeqytetit si “Ndeshja e bunkerit” referuar lojës së fortë që prodhojnë 90 minutat dhe vendosmërisë për të shmangur humbjen duke u mbrojtur mjaft mirë në fazën difensive.
Tirana gëzon statusin e favoritë për këtë përballje pasi pozicionohet në vendin e parë në renditje në kuotën e 11 pikëve. Bardheblutë e kanë të plotë kontingjentin e lojtarëve ndërsa në radhët e Partizanit situata paraqitet më delikate për shkak të mungesave thelbësore. Diferenca ndërmjet dy skuadrave është plot 7 pikë si rrallëherë më parë në duelet direkte.
