Nënkryetari i Partisë Demokratike, Alfred Rushaj, nga foltorja e Kuvendit tha se qeveria po përdor fondet e tërmetit në mënyrë që të përfitojnë bizneset pranë tyre. Rushaj ka akuzuar qeverinë për shpërdorim të fondeve, ndërsa ka sjellë në vëmendjen problematikat e banorëve të lagjes ‘Myslym Keta’ dhe lagjen e ‘Bregut të lumit’.
“Kemi denoncuar abuzime që qeveria bën me fatkeqësinë e njerëzve. Hakmarrja politike, por edhe grykësia për të përfituar nga fatkeqësitë e njerëzve, pasi përdorët frikën e njerëzve se do i leni pa shtëpi, tani po përdorni fondet e tyre për të fituar biznesi afër jush. Qeveria se ka mendjen tek jeta e qytetarëve, por tek pronat e tyre.
Pas zgjedhjeve Ahmetaj ka humbur, nuk e kanë parë projektin banorët. Ato i kanë kërcënuar banorët me ndërprerje të ujit dhe dritave. Ky është trajtim çnjerëzor që edhe në luftë nuk bëhet. Pse blloku i pallateve tek Myslym Keta duhet të vendoset diku tjetër. Ndërkohë që mund të ndërtohet tek ato hapësira? Por siç duket asgjë nuk bëhet pa arsye. Në njësinë 8 që ndodhet tek Bregu i Lumit, po ndodh e njëjta gjë” – ka thënë Alfred Rushaj.
Rushaj gjithashtu foli edhe për Komisionin Hetimor që ka nisur për zgjedhjet e 25-prillit, ku u shpreh se qeveria është në hall të madh, por që ata i janë referuar ligjit dhe kjo gjë nuk do e pengojë opozitën që t’u paraqesin shqiptarëve fakte për zgjedhjet që sipas tyre kanë qenë një masakër zgjedhore.
