Pjesa e dytë e derbit të Shqipërisë ka startuar me skuadrën e Partizanit më kërkuese dhe e vendosur për të gjetur golin e barazimit. Presioni është i lartë në radhët e të kuqve të cilët duhet minimalisht të shmangin humbjen. Në minutën e 56 Filipoviç pati një shans të shkëlqyer për të tentuar portën por preku topin me dorë teksa gjyqtari u tregua i vëmendshëm duke ndërprerë lojën.
Tre minuta më pas janë sërish të kuqtë që kërcënojne me goditjë dënimi por portieri Bekaj kontrollon gjithçka. Skuadra e Partizanit po luan mirë në këtë pjesë të dytë teksa Tirana tenton herë pas here të dal në sulm por lojtarët nuk kordinohen sa duhet më njëri tjetrin. Kur kanë mbetur edhe 20 minuta nga fundi i lojës, skuadrat kanë shtrënguar dhëmbët në kërkim të arritjes së objektivit.
