Ish-Kryeministri Sali Berisha do të zhvillojë sot Foltoren e radhës në qytetin e Kavajës, ndërsa disa dhjetëra simpatizantë dhe anëtarë të PD, qarkullojnë në rrugët e qytetit me makina që valvisin flamujt e PD-së.
Takimi pritet të zhvillohet në Pallatin e Kulturës në këtë qytet, me moton “Për një Parti Demokratike më të bashkuar, më të fortë, më të hapur”.
Gjithashtu sot, nga Kavaja, pritet që Berisha mund të bëjë publike edhe datën e thirrjes së Kuvendit Kombëtar, pas mbledhjes së më shumë se 50% të firmave të delegatëve.
