Të dënuarit në burgun e Peqinit prej mëngjesit të sotëm kanë hyrë në grevë. Burime pranë gijotina.com bëjnë me dije se të dënuarit e Godinës B, që është burg i sigurisë së lartë, kanë refuzuar ushqimin dhe po ashtu kanë refuzuar të dalin jashtë.
Ushqimin e kanë pranuar vetëm persona që ndodhen në paraburgim.
Shkak i grevës mësohet se është bërë refuzimi i kërkesës së të dënuarve për të takuar familjarët. E njëjta situatë paraqitet edhe në burgun e Burrelit dhe të Fushë-Krujës.
Kujtojmë se disa ditë më parë rreth 70 të burgosur në Burgun e Sigurisë së Lartë në Burrel refuzuan ushqimin që ofrohet nga institucioni që prej drekës së djeshme. 25 të dënuar e bënë këtë që të enjten ndërsa sot janë bashkuar edhe 45 të tjerë.
Mësohet se të burgosurit e kanë refuzuar ushqimin e institucionit në shenjë proteste për numrin e ulët të takimeve mujore me familjarët.
Për shkak të pandemisë në institucionet e vuajtjes së dënimit është lënë vetëm një takim në muaj me familjarë të afërt, ndërsa të burgosurit kanë edhe mundësinë që të lidhen me Skype me to.
