Gjatë mbledhjes që pati ditën e sotme me kryetarët e degëve, kryedemokrati Lulzim Basha ka dhënë disa mesazhe, në mbledhjen me dyer të mbyllura, në selinë blu.
Mësohet se në mbledhjen që zgjati tre orë, janë diskutuar dhe deklaratat e ish-kryeministrit Sali Berisha, teksa ky i fundit ka thënë se do të kandidojë për kryetar të PD dhe do të zbulojë brenda javës datën për mbledhjen e Kuvendit Kombëtar të partisë.
Në lidhje me çështjen e Berishës, Basha ka thënë para krerëve të degëve se “Nuk e bunkerizoj Partinë Demokratike për interesat e një personi. Në PD nuk do të ketë institucione paralele. Armiku jonë i vetëm është Edi Rama”.
